Desde o meu punto de vista, non vivimos nun "mundo ideal" onde este tipo de iniciativas son apoiadas exclusivamente polo seu valor cultural, científico, etc.
Tendo claro esto, todos sabemos, por experiencias propias no mundo das asociacións, que para poder chegar a facer realidade proxectos como o presentado, temos que tirar de "vender" de cara ao gran público ou de cara a quen ten capacidade para facelo económicamente viable, cousas digamos que mais materialistas as cales leven da man a nosa idea que segue a estar movida por unha afición ou paixón, neste caso pola Astronomía e a súa divulgación.
A idea presentada paréceme algo formidable e ademais neste caso, ben asesorada por compañeiros que saben sobradamente do que falan, pero o final as institucións demandarán e executarán o que queiran e o que lles pareza que lles pode reportar vantaxes de outra índole. Penso que a clave está precisamente en estar ahí para garantir que a balanza entre os desexos de uns e outros permaneza o mais equilibrada posible e que o gasto sirva para uns e outros.
Dito esto, estou completamente dacordo en algo que se comentou no debate surxido na CMON, o lugar (A Veiga) reune todas as características para ser (en parte xa o é) referente e modelo da actividade astronómica de Galicia: unha paisaxe e un ceo maravilloso dos mellores da comunidade, equipamentos hosteleiros, boa comunión coas súas xentes e posiblemente o mais importante, unha aposta decidida desde o Concello por potenciar o chamado "turismo astronómico" como un atractor mais cara a esas terras, posiblemente con razóns e obxectivos que difiren dos nosos pero que afrontados de xeito equilibrado poden reportar cousas positivas a tódalas partes implicadas e por extensión á sociedade.
