AstroGalicia16: festa galega das estrelas. Programa final.

Polo momento, a unha semana vista, a previsión non pode ser mellor. Sol e tempo cálido (ergo, pouca humidade nocturna e nada de néboas).  :intello:

É o que ten a "California galega", o val do Miño na provincia de Ourense.

Velaquí o programa final coas últimas variacións, debidas a circunstancias alleas á organización  :whistle:.
Lembrade que este ano será no Náutico de Castrelo (Castrelo de Miño - Ourense).
Venres 7 de outubro
Desde as 19:00: recepción e inscrición de asistentes. Escolla de obradoiros.
20:00 Acceso ao campo de telescopios para a súa instalación.
21:00 Cea de inscritos (carta de racións de outuno).
22:00 Comezo das actividades (acceso libre).

• Pre-estrea mundial de “O mestre de astronomía”, comentarios sobre astronomía e música no Renacemento. Música de vihuela (partituras de Luys de Milán e Luys de Narváez) tocada en directo por Juan Vázquez e comentarios astronómicos a cargo de X. Dosi Veiga.
• Apagado alumeado público.
• Observación con telescopio da Lúa, Saturno, Marte e outros astros.

Sábado 8 de outubro
11:45 Presentación oficial das actividades. Benvida de Xurxo Rodríguez (alcalde do Concello de Castrelo de Miño) e presentación ao cargo de X. Dosi Veiga (responsable da organización).
12:00 Charla i (acceso libre).

• Meteoritos: impactos contra a Terra e a Lúa. José María Madiedo: profesor titular da Universidade de Huelva e colaborador da Fundación AstroHita.
• Cada ano chegan á Terra entre 40.000  80.000 toneladas de partículas sólidas do espazo. A maioría son meteoroides, fragmentos de roca e metal que proceden de asteroides e cometas, colisionando contra a atmosfera do noso planeta a grande velocidade. Tamén impactan contra a superficie da Lúa, producindo relanzos que se poden detectar por telescopio. Os proxectos MIDAS e SMART permiten a súa detecección e seguemento

13:30 Observación solar con telescopio H-alfa (acceso libre). Coa colaboración de AstroVigo.
14:00 Xantar.
16:00 Obradoiros (só inscritos). Tres sesións consecutivas de unha hora de duración cada unha.

• Iniciación: a cargo de Jorge Arranz (Agrupación Astronómica de Madrid) e Luis Cuesta (colaborador do INTA-CAB). Dirixido aos asistentes que queiran iniciarse no mundo da astronomía.
  Perfeccionamento: dirixidos especialmente a astrónomos afeccionados que queiran afondar nalgún dos aspectos da astronomía que máis lles interesen.
• Meteoritos: análise práctica e clasificación, con meteoritos reais. J.M. Madiedo.
• Como colaborar en proxectos profesionais de ocultación por asteroides: a cargo de Ramón Iglesias Marzoa (Observatorio de Javalambre).
• Emprego de receptores dixitais asequibles en radio-astronomía: a cargo de Javi Moldes (grupo www.cacharreo.es).
• Oculares para a observación visual: a cargo de Jorge Arranz.

17:00 Obradoiro infantil de astronomía (acceso libre) a cargo de Ana Ulla. Limitado a 15 asistentes.
19:00 Charla ii (acceso libre).

• Ana Ulla: profesora titular da Universidade de Vigo.
• O satélite Gaia: estado actual e participación galega no proxecto. Gaia é unha ambiciosa misión da Axencia Espacial Europea (ESA) que ten o obxectivo de elaborar un mapa preciso en 3D da nosa Galaxia, a Vía Láctea. Aprobada en 2001 e lanzada en 2013, presentou os seus primeiros resultados hai un mes. Os datos obtidos por Gaia aportarán nova luz practicamente en todos os eidos da astronomía. Serán unha referencia nos vindeiros 50 anos.

21:00 Cea astronómica para os inscritos. Platos de inspiración astronómica como Sopa de Encélado, Crocante do Hubble ou a Torta Setestrelo, entre outos.
22:00 Observación astronómica (acceso libre):

• Exemplo en directo de posible ocultación de estrela por asteroide.
• Participación na International Observe the Moon Night.
• Observación da Lúa, Saturno, Marte e outros obxectos astronómicos.
• Anotados unha ducia de telescopios.
• Prácticas dos inscritos no Obradoiro de iniciación.

Domingo 9 de outubro
11:00 Obradoiros para inscritos. Repetición dalgún dos obradoiros do día anterior que tiveran maior demanda.
12:00 Charla iii (acceso libre).

• Homenaxe á misión Rosetta. X. Dositeo Veiga.
• Busca de vida extraterrestre desde Torrejón de Ardoz, Luis Cuesta Crespo do Centro de AstroBioloxía/CAB (INTA-CSIC, Instituto Nacional de Tecnica Aeroespacial - Consejo Superior de Investigaciones Científicas).

14:00 Xantar oficial de despedida.
16:30 Visita a adega de viño (máximo de 20 persoas).
Inscrición
Xa estamos chegando aos 50 inscritos.
Inscrición: 20 € (10 € para socios de entidades patrocinadoras e empadroados no Concello de Castrelo de Miño)
Diferentes opcións de aloxamento e manutención.

Pois nada, que me pasarei a cear o sábado e logo a botar unha ollada polo telescopio. Saúdos e vémonos na festa  :party: :party: :party:

Parece que el tiempo acompañará las sos noches.

Predicción de nubes, seeing, temperatura y humedad:
https://www.meteoblue.com/en/weather/forecast/seeing/castrelo-de-mi%C3%B1o_spain_3125758