Xa que estamos no Ano Internacional da Astronomía 2015 (declarado pola Unesco), e seguindo a tradición de aninovo dos editores do APOD da NASA, este ano estou a prepara unha charliña que coa excusa de ver algunhas das fotos máis fermosas, ou simpáticas, ou significativas, publicadas ao longo do 2014, permita falar de ciencia e astronomía.
APOD da NASA 2014, un ano de astronomía en galego se chama o asunto. E, polo momento, xa está programada nun par de lugares:
- Ourense: xoves, 22 de xaneiro de 2015 ás 20:00 horas. Lugar: Ateneo de Ourense, Av. Habana, 25.
- A Coruña: venres, 23 de xaneiro de 2015 ás 19:30 horas. Lugar: MUNCYT. Coa colaboración da Agrupación Astronómica Coruñesa Ío
- Santiago de Compostela: por determinar (febreiro). Coa colaboración da Asociación Galega de Comunicación Científico Tecnolóxica e do Clube Vega.
- Vigo: por determinar. Coa colaboración de AstroVigo e Agrupación Astronómica Rías Baixas.
Adxunto o cartel (fermoso traballo do estudo gráfico Blau - Miguelanxo Carvalho, por certo), da actuación de Ourense. Se alguén quere o da Coruña pode pedirmo a min ou na agrupaciókn Ío. E, cando estea xa programado en Vigo, Santiago de Compostela (e quen sabe se en máis sitios), xa iremos actualizando este fío.
E, se resulta ben, agardo que se convirta nunha tradición anual despois do día de reis (polo menos en Ourense, que o de ir de xira está ben pero xa veremos se o corpo aguanta).
Se queredes botar unha man para divulgar, toda vez que o nivel será variado e para todos os públicos, tamén está posto no feisbuc do apod.galego e usarei o meu twitter @dosiveiga, se se deixa o parruliño azul. Usaremos o hashtag #apodgalego.
