De volta dos Biocos de rematar alguns detalles , a vista das boas previsions para a fin de semana, o albergue fainos una oferta especial para os dias previos ou posteriores as datas de Astrogalicia para aqueles que poidan e queiran aproveitar a viaxe para disfrutar daquelo uns días máis. Copio e pego:
Aos que estades xa inscritos na AstroGalicia ofrecémosvos a posibilidade de que poidades vir un par de noites antes (debido a boa previsión climática que hai para esta semana) ou que vos quededes uns días despois do evento, para que teñades tempo de coñecer os atractivos turísticos do lugar no que se atopa o albergue. Ademais, nunhas condicións moi ventaxosas, ata un 50% de desconto nas tarifas oficiais do albergue:
- aloxamento e almorzo en liteira por 7,50 euros (por persoa).
- aloxamento e almorzo en cuarto dobre por 10,50 euros (por persoa).
- cama supletoria en cuarto dobre (non menores de 12 anos) 4,50 euros.
Os menores de 12 anos terán aloxamento gratuíto e só terían que pagar 2 euros de almorzo. Os bebés, evidentemente, todo gratis.
Para confirmar esta oferta debedes reservar telefonicamente no teléfono directo do albergue: 610 530 561 ou enviando un correo electrónico a info@osbiocos.com, indicando o tipo de aloxamento que tedes xa reservado e os días que queredes ampliar. O pagamento xa o faredes unha vez cheguedes ao albergue.
