Autor Tema: Habemus Federación de Asociaciones Astronómicas de España  (Leído 2248 veces)

0 Usuarios y 1 Visitante están viendo este tema.

29 de Noviembre de 2014, 19:04:55

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Habemus Federación de Asociaciones Astronómicas de España
« en: 29 de Noviembre de 2014, 19:04:55 »
Pois si, tras sete intensas horas de asemblea fundacional, queda consituída a federación co nome do título desta nova(non me fagades repetilo). O máis relevante nesta crónica urxente desde o futingo de Alfredoxa, é o seguinte:
- 27 asociacións de todo tipo de pelaxe, condición, localización e tamaño.
- 16 asociacións que se integrarán nun futuro inmediato, en canto poidan aprobalo en asemblea.
- 1 asociación que enviou a documentación pero non acudiu.
- máis de tres mil socios representados.
- case 200 contactos previos, a partires do censo inicial do que tirou o comité xestor. Deron alí os detalles de correos devoltos, non contestados... e, a verdade, fixeron un traballo ímprobo. Se algo quedou claro,éque ninguén se pode queixar de non terse enteirado ou invitado a esta fundación.
 :party: :party:
Por parte galega, coa asistencia a este acto fundacional por parte de AstroVigo, A. Rías Baixas e A. A. C. Ío, coido que quedamos abondo representados. A ver se vos animades o resto.

Aprobouse unha cota anual de 25 € por voto, que no caso das asociacións galegas, son dous votos cada unha.

A xunta directiva fundacional fica imtegrada por Blanca de A. Málaga como presidenta, Enrique de A. A. Madrid como vicepresidente, Fernando de A. Navarra como secretario e Marcelino de A. A. La Safor como tesoureiro, máis catro vogais.

Ala, abonda polo momento, que estamos no coche.  :party:

Respuesta #130 de Noviembre de 2014, 01:20:01

Xoán Cardelle

  • FED
  • Acromático

  • Desconectado
  • *****

  • 44
  • Karma:
    1
  • Sexo
    Masculino

    Masculino
    • Ver Perfil
    • Email
Re:Habemus Federación de Asociaciones Astronómicas de España
« Respuesta #1 en: 30 de Noviembre de 2014, 01:20:01 »
Meus parabens a tod@s os representantes pola vosa labor desenrolada nesta asemblea. !!

 :great:

Saúdos.

« Última modificación: 30 de Noviembre de 2014, 01:25:05 por Xoán Cardelle »
Xoán Cardelle

Respuesta #230 de Noviembre de 2014, 17:33:33

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Re:Habemus Federación de Asociaciones Astronómicas de España. A crónica (i/iii).
« Respuesta #2 en: 30 de Noviembre de 2014, 17:33:33 »
Boas, separo a crónica en tres longos posts para non aburrirvos moito. Como xa dixen aquí hai anos, ao non ter un blog propio tedes que aturarme no foro, que xa sei que non é o mellor para isto  :666:

Xa repostos da viaxe, aí vai unha breve crónica con algúns pormenores. Xa vos adianto que todo o día de reunión deu para moito, pero tamén tivo moito de "tostón" e discusións que non vou relatar, para non aburriros.

Como sabedes por outro fío, de Galicia sabiamos que iamos estar polo menos representantes de tres asociacións: AstroVigo, A. A. Rías Baixas e A. A. C. Ío. Ao longo da semana mantivemos contacto con amigos doutras asociacións, para compartir viaxe e saber se alguén máis iría desde aquí. A pesares de non recibir ningunha resposta positiva, non sabiamos se habería algún máis do resto das asociacións galegas e, por desgraza, ninguén máis se presentou.

Todo isto como prólogo do gran esforzo que se fixo por parte dos promotores para tratar de que ningén quedara fóra deste acto fundacional da federación. Foron precisamente os promotores os primeiros en tomar a palabra e todos comentando cousas similares, a emoción do momento, as gañas que detectaron de que todo saíse adiante e que, unha vez rematado o seu traballo previo agora todo o que se decidira sería decisión da asemblea fundacional, polo que eles pasaban a ser só uns máis.

Como ben saberedes algúns por experienencias pasadas ou vos podedes imaxinar, parir unha federación deste alcance non só é difícil senón que tamén se poden ferir unha chea de sensibilidades, xente que se sinta excluída, á marxe e demais. Creo que tralo relatado pola comisión de formación ninguén pode excusarse en nada diso. Antes ben, o traballo foi ímprobo tratando de contactar con todas as asociacións astronómicas españolas, baseándose en censos vellos e buscando en webs individuais formas directas de contactar con outras que non estaban neses censos. Os números que nos presentaron así o acreditan. Para que vos fagades unha idea, tratouse de contactar con case 200 correos electrónicos das entidades máis diversas:
  • - comunicados enviados en total ás asociacións: tres. Entre eles, un borrador de estatutos. Vaia por diante isto porque xa estou a ver nalgúns foros auténticas estupideces sobre a federación que indican que non leron o seu contido, porque coméntanse os típicos medos e paranoias que na redacción dos mesmos estarían totalmente descartados.
  • - correos enviados sen resposta: 79. É dicir, asociacións das que non chegou devolto o correo pero tampouco confirmación nin nun sentido nin noutro. Pola miña parte, tirón de orellas para elas.
  • - correos rexeitados polo servidor: 16.
  • - correos enviados e con resposta confirmada: 65.
  • - respostas negativas a integrarse na federación: 3 (pero as tres por non ser en realidade asociacións ou por estar formadas por socios xa integrados noutras asociacións; é dicir, ningún rexeitado por falta de interese).
  • - 4 respostas sen pronunciarse sobre se estaban interesados ou non.
  • - 32 responderon positivamente pero só 27 estaban realmente presentes no acto da formalización da federación. En total, representan a uns 3081 socios (socio arriba ou abaixo).
  • - 16 entidades interesadas pero que pospoñen o seu ingreso ata o ano que vén (na súa maior parte, por non ter tempo ou posibilidades de convocar a asemblea extraordinaria necesaria para a formalizar a súa pertenza á federación).
Tras seren presentados estes datos por Enrique Velarde (da AAM), houbo unha quenda rápida de presentacións de todos os presentes. Resaltar a variedade de procedencias, de tamaños asociativos e variedade de intereses. En particular, Xavi Puig, presidente de A. Sabadell, interviu por vídeo-conferencia. A pesares de ser un dos promotores da federación, excusou que non puideran estar neste acto fundacional por motivos internos. Xa convocaran unha asemblea extraordinaria en abril deste ano e consideraron que non era conveniente para a súa entidade convocar outra no mesmo ano (pensemos que que trata de máis dun milleiro de socios). Pero que a convocarían en canto comezara o ano que vén e que estaba seguro que aprobarían a súa inclusión.

É dicir, unha federación inclusiva, que desde o primeiro momento se tratou de que todas as entidades se integrases ou, cando menos, que as que non se integraran non fose por seren rexeitadas previamente.

Empezamos a debater o resto de puntos da orde do día.

O primeiro, o nome da asociación. Había 4 propostas ás que se engadiron outras 4 ou 5 alí mesmo (outra mostra da apertura a debater todo o que fixera falla para que todos estiveramos a gusto). Tras un breve debate, fixéronse votacións sucesivas a man alzada (cada asociación 1 voto), eliminando de cada vez a metade das propostas con menos votos. A escollida ao final: Federación de Asociaciones Astronómicas de España. Paso de poñer as siglas porque en ningún caso se falou de que algo tan horroroso como FAAE fose a ser o nome a usar, esperemos  :intello:

O segundo a debatir, obxectivos e fins da asociación. Se fixeron retoques e inclusións no borrador dos estatutos. Non poño aquí como quedaron redactados ao final, porque non dispoño dunha copia dixitalizada da redacción final. Pero non hai ningún tipo de sorpresas, como poderedes comprender.

O terceiro a debatir, foi o resto de artigos dos estatutos. Por resumir, practicamente todas as discusións e debates, que houbo uns cantos pero todos con ánimo construtivo, centrábanse en dúas posturas: por unha beira, o interese por concretar cousas para evitar problemas futuros por malas experiencias pasadas; por outra, tratar de deixar case todo como estaba, para ter a garantía de que os estatutos superaran a fase de aprobación ministerial (dado que o propio borrador fora pedido ao ministerio), e deixar as normas, reglas e detalles para regulamentos posteriores que non precisaran de convocatorias asemblearias para ser modificados no futuro.

Vou detallar un par de discusións que creo que foron moi interesantes, sobre todo para que poidades comprender dúas teimas que creo estaban no ánimo colectivo: non crear filtros previos para a incorporación de novas asociacións no futuro, co ánimo de sermos o máis representativos posibles, o "sacrificio" das majors (na miña xerga propia, as asociacións que superan os 500 socios como a AAMadrid, AASabadell, Fed. Andaluza...) por non ter un poder excesivo na federación, coa intención de que teña o maior número posible de integrantes.

- sobre os votos en asemblea: a proposta do borrador dos estatutos e que despois saíu adiante era un voto para as asociacións que tiveran menos de 50 socios, 2 votos para as que tiveran entre 50 e 100 socios, e 3 votos para as que tiveran máis de 100 socios. Houbo algunha discrepancia sobre a necesidade de que fose 1 asociación = 1 voto, pero creo que ao final se impuso o voto ponderado por varios motivos. Se evita que asociacións grandes se fraccionen en moitas asociacións pequenas para teren moitos máis votos e así estar sobre-representadas. Por outra parte, varios representantes destacamos que xa era un sacrificio enorme para as "majors" ter só 3 votos como para minimizar aínda máis a súa presenza. Por outra parte, tamén é un pequeno incentivo para as asociacións manterse no escalafón dos 50-100 socios para manter eses 2 votos nas asembleas. Aínda que non é relevante porque non hai ningún tipo de partición por autonomía, pensade que as 3 asociacións que polo momento estamos presentes na federación aunamos 3 x 2 = 6 votos, tantos como 2 asociacións das que teñen centos de votos.

- sobre a cota a pagar: tras un pequeno debate sobre a posible cantidade se escolleron dúas propostas a votar. Por un lado, 25 € anuais por voto da asociación (isto é, 25 €, 50 € e 75 € según o número de votos); por outro lado 40 € anuais por voto (isto é, 40 €, 80 € e 120 € según o número de votos). Algunha outra proposta como 100 € por voto non pasou a fase de discusión. Por abrumadora maioría se escolleu a opción de 25 € por voto. Se o pensades, de novo tratanto de favorecer o máximo número de integrantes na federación a costa de contar con menos orzamento para a realización do programa de traballo.

Seguinte noticia deste fío (o ii/iii): a escolla da xunta directiva fundacional.

Respuesta #330 de Noviembre de 2014, 18:01:40

hugogr

  • AG'12
  • Super-Apo

  • Desconectado
  • *****

  • 895
  • Karma:
    14
    • Ver Perfil
    • Email
Re:Habemus Federación de Asociaciones Astronómicas de España
« Respuesta #3 en: 30 de Noviembre de 2014, 18:01:40 »
 8) Grazas polo esforzo Dosi. Esperamolas próximas entregas.

Respuesta #430 de Noviembre de 2014, 18:06:45

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Federación de Asociaciones Astronómicas de España a crónica (ii/iii)
« Respuesta #4 en: 30 de Noviembre de 2014, 18:06:45 »
Unha vez rematada a revisión dos estatutos, estes foron aprobados por unanimidade. Si, hai que dicir que de aquí en diante esta foi a tendencia, todo se foi aprobando por unanimidade ou, case diría, por aclamación (cos aplausos continuos dos presentes). Digamos que tras varias horas (coa única pausa para o xantar de unha hora e media), coas discusións, debates e algunha tensión (pero todo moi civilizado), todos éramos conscientes de que o que unía era moito máis do que afastaba e a unanimidade, real, non impostada, se abriu camiño unha vez superada a discusión dos estatutos.

Chegabamos ao momento de ter que escoller á primeira xunta directiva (según os estatutos, presidencia, vicepresidencia, tesourería, secretaría e vogais en número non inferior a tres). Algúns preguntaron se había algunha candidatura pechada previa, se alguén comentara algo. Na mente de todos, supoño, pensando que os integrantes do comité xestor serían os mellores candidatos para esta primeira etapa, coa excepción de Xavi Puig de A. Sabadell que ata dentro duns meses non se integrará na federación, claro está). Por parte deste comité, xa adiantaron (creo que foi Fernando) que por suposto xurdira o tema nalgunha das súas moitas conversas destes últimos seis meses, pero que non prepararan nada e que tiña que ser a asemblea a que solucionase o nó gordiano.

Axiña se ergueron algunhas mans para facer propostas (que non para ofrecerse voluntarios; creo que todos conscientes do complexo de empezar de cero con algo coma isto e o traballo que supón). Indico algunhas frases que se escoitaron (polo que eu lembro, fixádevos no contido, non na textualidade das miñas palabras):

- os integrantes da comisión fundadora serían uns candidatos magníficos para estar na xunta directiva (creo que esta debía ser a única opinión que todos pensabamos foi unánime e que estaba na mente de todos).

- habería que intentar que houbera integrantes da maior parte do territorio, de Madrid, de Andalucía, do Levante, do Norte, de Galicia... (vaia por diante que nos estatutos non se fala en ningures de temas territoriais, polo que este posible "reparto" sería máis unha vontade asemblearia ca unha necesidade real).

- as grandes deben estar na xunta directiva necesariamente.

Xa sinalados directamente por algúns dos presentes, xa se puxeron sobre a mesa (e tiveron que poñerse en pé e diante da asemblea) os tres integrantes da comisión fundadora que estaban á súa vez na federación xa constituída: Enrique Velarde (da Agrupación Astronómica de Madrid), Fernando Jáuregui (da Asociación Astronómica Navarra) e Blanca Troughton (da Asociación Sociedade Malagueña de Astronomía pero tamén presidenta da federación andaluza). O primeiro problema estaba solucionado, tres persoas moi solventes, con moitísimo peso na astronomía afeccionada española, daban o paso á fronte. Todos con moitísima experiencia tanto en organizar grandes eventos como en coordinar asociacións e todo o que se vos poida imaxinar. Por mencionar só algo do que eu sei, Fernando traballa no Pamplonetario (a Casa das Ciencias pamplonesa), está na Xunta Directiva de Cel Fosc e é un dos organizadores do vindeiro Congreso Estatal de Astronomía que será en Pamplona en 2016. Blanca foi unha das organizadoras do congreso de Granada deste ano, e xa estivera no Ano Internacional da Astronomía coordinando todas as actividades das asociacións españolas.

Axiña algún "amigo" ofreceu a Marcelino (da Asociación Astronómica de La Safor, no Levante), como un tesoureiro ideal. El se puxo en pé, afirmando que levar as contas era o seu traballo ideal e que lle encantaba. Así que, iso tan desgradable para moitos, tiña un candidato encantado. Ata alguén comentou que podería ser xa un servizo futuro da federación ás asociacións, o servizo de tesourería  :rofl:

Faltaban os vogais por escoller. Se comentou que sería ideal que houbera algún/s que levaran a parte de web/informática, e que un dos posibles candidatos podía ser Fernando Cabrerizo (da Asociación Astronómica Syrma de Valladolid), polo que Fernando non tivo máis que poñerse en pé e asistir. Tamén se ofreceu (ou ofreceron) Miguel Ángel Mallén (de AstroHenares e un dos administradores de www.astroerrante.es) e Eduardo da Agrupación Astronómica Vizcaína. Despois, miradas ao grupo galego sinalando e dicindo que algún de nós se apuntara. Escoito polo "baji" ao meu carón "eu nin de coña", xuraría que notei un cóbado clavado nos meus riles e alá fun eu, como vogal do sector noroeste.

Curiosamente, tiñamos nestes momentos unha xunta directiva con 8 integrantes, un deles tesoureiro, 4 de nós vogais, pero sen decidir quen presidía, quen secretario... Así que se comenta que a presidenta ideal sería Blanca (ela afirma que este ano ou o vindeiro, non lembro ben, deixa a presidencia da federación andaluza), Fernando de secretario e Enrique de Vicepresidente (ao estar en Madrid, ideal para os trámites organizativos iniciais). E así quedou ao final todo.

- Presidenta: Blanca Troughton.
- Vicepresidente: Enrique Velarde.
- Secretario: Fernando Jáuregui.
- Tesoureiro: Marcelino Álvarez.

Con este equipo de luxo, está clara a capacidade de traballo e, sobre todo, a posibilidade de aprender con eles.

- Vogais: Fernando Cabrerizo, Miguel Ángel Mallén, Eduardo Rodríguez e Dosi Veiga (eu mesmo).

EDITO:

esquecín na mensaxe anterior e creo que é moi relevante mencionalo.

Toda a asemblea fundacional contou coa laboura inestimable de:

- Enrique Velarde, como "anfitrión" da AAM (lémbrovos que foi na sé da asociación madrileña onde se fixo esta asemblea, moitísimas grazas a eles por poñer á nosa disposición os seus locais) exercendo de moderador.

- Ana, a presidenta da Asociación Astronómica de Navarra, exercendo de secretaria e facendo a acta de todo o que se falou (creo que tamén se gravou en vídeo, pero non podo aseguralo).

- Fernando Velarde, Pedro Velasco, da AAM, introducindo en tempo real as modificacións oportunas nos estatutos, para poder imprimilos "ipso facto" e que todos puidéramos asinalos en todas as súas páxinas antes de marcharmos.

Se os tres, e moitos máis, todo isto tería sido imposible.
« Última modificación: 04 de Diciembre de 2014, 00:30:09 por DosiVeiga »

Respuesta #530 de Noviembre de 2014, 18:07:56

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Re:Habemus Federación de Asociaciones Astronómicas de España
« Respuesta #5 en: 30 de Noviembre de 2014, 18:07:56 »
8) Grazas polo esforzo Dosi. Esperamolas próximas entregas.
Dito e feito. Nuns minutos a 3ª, impresións persoais.  :na:

Respuesta #630 de Noviembre de 2014, 18:57:47

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Federación de Asociaciones Astronómicas de España: a crónica (iii/iii)
« Respuesta #6 en: 30 de Noviembre de 2014, 18:57:47 »
Vaia por diante que me encantaría que tanto Pablo como Alfredoxa entraran neste fío (ou fixeran outros) para facer os seus propios comentarios, puntualizar as miñas seguras faltas e incorreccións e, sobre todo, remarcar posibles esquecementos que tivera.

Deixo atrás, nesta tercera parte da miña crónica, o relato dos feitos e paso a facer os aportes máis persoais. Así que, se nas dúas noticias anteriores tratei de ser máis obxectivo, nesta nin o vou considerar  :666:

Estou seguro de que nestes momentos poucos de nós somos conscientes da relevancia que pode ter no futuro o acto de onte. Xa veremos se a federación se consolida ou se a súa vida é efémera. Algúns dos alí presentes é certo que levamos pouco tempo nesta afección. Incluso, quizais na parte galega, os tres estamos entre os máis novos (en idade) e máis noveis (en afección). Pola miña parte, ben sabedes que ando nestas leas só desde hai uns aniños e máis ocupado en organizar saraos que en participar en saídas nocturnas. A fotografía astronómica non me atrae en absoluto  :na:, do catálogo Messier apenas podo localizar a metade dos elementos sen axuda externa  :neutral: e, como me poñades diante unha montura ecuatorial eq8 último modelo seguro que a emprego para partir noces  :he:.

Porén, nos últimos anos de asistencia a congresos estatais de astronomía, reunións do ano internacional de astronomía, congresos de comunicación científica, astrogalicias, astrobiocos, workshops, plantadas con moitos de vós, noticias publicadas na revista AstronomíA Magazine... máis ou menos fun coñecendo a moitas xente e facéndome unha composición de lugar da historia e das historias das asociacións astronómicas, galegas e españolas, coas súas miserias e virtudes. A sensación que notei desde hai varios anos era que xa en tempos se tentara crear unha federación a nivel estatal pero que o proceso se interrompeu abruptamente. Notábase ademais certo resquemos. Curiosamente, buscando en internet xa aparecen referencias a esa futura federación nunha edición do ABC de Sevilla dos anos 80 do século pasado   :o

Nos últimos anos asistín a moitos debates onde moitas asociacións consideraban de necesidade a existencia dunha federación estatal. Con moitos dos que estades neste foro sabedes que temos discutido moito sobre as asociacións, as federacións e demais estruturas. A miña postura sempre foi a mesma, na medida en que sexan ferramentas útiles para conseguir uns obxectivos, sempre será interesante a súa existencia. Por outra parte, a esa tradición galega de "somos tres, por que non montamos unha asociación?" sempre contrapuxen a pregunta "Pero, para que?". Porque para ir ao monte non preciso de ninguén que me ampare. Ora ben, se é para facer cousas, defender uns valores e obxectivos, organizar actividades... e sobre todo, se non hai ninguén no meu contorno ao que me poida sumar para facer iso, pois entón adiante.

Neste caso, a existencia dunha federación estatal pode ser útil ou non. Falando con algúns en particular estes días atrás, coincido en que ao non haber unha existencia de competencias en divulgación científica por parte do estado ou goberno central, crear unha federación que coincida con esa estrutura estatal podía non ter moito sentido. Total, que compartimos desde aquí cunha asociación murciana que non compartamos cunha de Porto. Creo que é certo que aínda a moitos nos costa romper barreiras mentais e esquecemos que as fronteiras políticas que había no século pasado non existen hoxe en día. É máis, temos a experiencia nos últimos anos de traballo e colaboración entre diversas asociacións galegas sen necesidade de ter que formar unha federación. Digamos que tanto poden funcionar as redes informais para moitos casos, sen enguedellarse en trámites e papeis aos que moitos lle teñen certa alerxia. Por outra parte, tamén é certo que todos temos contactos formais ou informais doutras asociacións de toda España, de Portugal e incluso de Inglaterra. Era necesaria entón facer unha federación a nivel español?

Pois como dicía antes, se é unha ferramenta útil pois si, pode ser necesario. Ou, cando menos, interesante. En primeiro lugar, porque creo que a existencia e a pertenza a unha federación a nivel de estado non impide que as asociacións socias creen outras federación ou acordos ou convenios ou contactos informais con outras asociacións do seu país, ou de fóra do seu país. Creo tamén que, neste caso, pode ser unha boa oportunidade para nós, as asociacións galegas, de coller un tren que ía empezar a funcionar connosco ou sen nós. Pensemos que, por exemplo, o evento de astronomía afeccionada en España máis potente (por número de participantes, asociacións e relevancia), quizais sexa o Congreso Estatal que leva varias deceas de edicións. Nunca en Galicia, por certo. E que, en principio, vai empezar a ser organizado por esta federación (algo que por si só xa podería xustificar a existencia desta estrutura). Por outra banda, moitas veces é certo que botamos en falla un lugar onde poder comunicarnos, dunha soa vez, con todas as asociacións astronómicas de afeccionados españois. Hai moitos foros, moitas webs, moitas redes informais... pero non algo que teña os efectos de coordinación global. E creo que esta federación tamén pode ter un papel relevante nese campo, toda vez que todo o seu proceso de xénese e formación seguiu con gran esquisitez intentar que ninguén se puidera sentir excluído. E así se conseguiu, na miña opinión.

Na miña parte máis persoal, a oportunidade de poder traballar con xente como Fernando, Blanca, Enrique, Marcelino, Eduardo, Miguel Ángel e Fernando pareceume demasiado interesante, desafiante e extraordinaria como para deixala fuxir. Entre eles se xunta unha cantidade de experiencia, capacidade de organización, resolución de problemas, coordinación de entidades... que se me ofrece unha posibilidade de aprendizaxe que non conseguiría ter con varios máster deses que valen un ril. :yipi:

Por último, quería comentar as sensacións que puiden respirar na asemblea de onte. Coñecía xa a algunhas persoas doutras veces. Outras coñecíanme a min doutras veces pero eu non me lembraba  :whistle: Alí había afeccionados con décadas de experiencia. Incluso, aínda que había representates "oficiais" de 27 agrupacións que supostamente querían fundar a futura federación, ben podía haber outra ducia de persoas de acompañantes, asistentes, interesados aos que se lles permitiu falar e aportar en todo momento, pero non votar como é obvio para respectar a representatividades certificada polas asociacións. Ao longo do día, nalgún momento había a sensación de que aquilo non se ía rematar. Estabamos discutindo moito de moitas cousas e non se avanzaba. Algúns participantes marchaban xusto despois do xantar, para non perder o tren. Outros, tiñan hora límite á prevista que duraría a asemblea (as seis da tarde, inocentiños  :mdr:). Tanta era a tensión por rematar coa discusión estatutaria que, unha vez rematada, case esquecemos votar a favor en contra dos estatutos. Si, polos pelos. Pode parecer un formalismo, pero era imprescindible. E así foi, todos, todos, votamos a favor dos estatutos. Axiña un aplauso invadiu a sala e xuraría que, algúns dos máis veteráns, se emocionaron ao ver que se chegaba á meta de formar a federación. Algúns abrazáronse e felicitáronse mutuamente.

O mesmo pasou ao nomear a xunta directiva. De novo, por un pouco, esquecemos o formalismo de votar (agora xa co voto ponderado, onde cada representante tiña 1, 2 ou 3 votos). De novo, voto unánime (agora non sei se 44 votos ou 48 en total). Esta vez, máis que felicitacións e abrazos creo que algúns sentían mágoa ou pesar polo traballo que asoma polo horizonte. De feito, xuraría que Blanca, Fernando, Enrique e Marcelino sorrían polo orgullo e satisfacción de representar a tantas vontades e tanta ilusión. Pero, por dentro, debían ter o esófago encollido polo peso da responsabilidade. Ufff...

En definitiva, eu non vou calificar o momento como histórico (aínda que foron palabras que empregaron algúns), porque descoñezo gran parte da traxectoria que levou ata o de aquí e a loita e esforzo que supuxo para moitos. Pero do que si estou orgulloso, e creo que comparto con Pablo e Alfredoxa, é der podido representar a AstroVigo (e Rías Baixas e Ío), porque alí estabamos como representantes destas asociacións, non a título persoal, e que deste xeito nos sentimos un pouquiño representantes de todos os afeccionados galegos (e sen pretender representar a ninguén que non queira ser representado, vale?  :whistle: ). A sensación de que desde este recunchiño da península estivemos nun lugar que ao mellor, dentro duns anos, saberemos valorar na súa xusta medida.

Respuesta #730 de Noviembre de 2014, 22:11:24

Ricardo

  • AG'12
  • Acromático

  • Desconectado
  • *****

  • 42
  • Karma:
    3
    • Ver Perfil
Re:Habemus Federación de Asociaciones Astronómicas de España
« Respuesta #7 en: 30 de Noviembre de 2014, 22:11:24 »
¡Dosi, he tenido que ir a por un bocadillo para poder leerlo todo!. Se vé que estás muy emocionado con esta Federación, y no es para menos. En primer lugar, felicitarte por tu trabajo, por tu "valentía" en estar en la J.D., y por esta disertación, que al leerla parece que estamos allí.
Pero del punto 8º no has mencionado nada: "Propuestas de primeras iniciativas", aunque se deduce claramente de tu relato que ni hubo tiempo material para hablar de eso.
De nuevo, felicidades también porque Galicia está ya en algún sitio y porque no solo se la conozca por el marisco.

Respuesta #830 de Noviembre de 2014, 22:12:42

Ricardo

  • AG'12
  • Acromático

  • Desconectado
  • *****

  • 42
  • Karma:
    3
    • Ver Perfil
Re:Habemus Federación de Asociaciones Astronómicas de España
« Respuesta #8 en: 30 de Noviembre de 2014, 22:12:42 »
Por cierto, creo que se debería abrir un sitio fijo para esto. Y enhorabuena a toda Galicia.

Respuesta #930 de Noviembre de 2014, 22:46:17

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Re:Habemus Federación de Asociaciones Astronómicas de España
« Respuesta #9 en: 30 de Noviembre de 2014, 22:46:17 »
 :he:
Por cierto, creo que se debería abrir un sitio fijo para esto. Y enhorabuena a toda Galicia.
Gracie mile, Ricardo, por este e o anterior comentario. Como durante o día apenas tomáramos unhas notas preferín botar fóra todo en quente, antes de esquecer cousas. Ademais, xa empezaba a haber certo acoso por correo-e a min e outros asistentes e, aínda que pareza incrible, aínda non había crónicas en ningún outro sitio. Debe estar a xente volvendo ás súas casas e descansando da xornada. Deste xeito, non hai que responder un a un. Agora agardemos que non lle petemos o foro ao Canedo ;)

Por certo, vaia por diante, por se alguén se confunde, que os integrantes da Xunta Directiva o son a título persoal. É dicir, que en ningún caso representaremos nin poderemos arrogarnos a representatividade de ningunha entidade. Así como nas asembleas todo o que se vote, e que ten que estar na orde do día previa, cada representante si que votará en nome da súa asociación. Aínda que claro está, usarei e aproveitarei este foro para informar de primeira man e para pedir ideas, axuda... :rules: Ben sabedes algúns que me gusta ser o máis transparente e público para estas cousas, que sempre se tira máis proveito de moitos cerebros que de un só. Así que teredes información preferente, que non privilexiada  ;)

Por outra parte, o das actividades, entendo que esta é unha XD de creación da federación, estrutura e primeiros plans. É de supoñer que apenas dará tempo a coordinar coas asociacións o que demanden da federación. Despois haberá tempo para que outras persoas presenten programas de actividades para o futuro, de modo que se poida elixir en votación e nas asembleas a quen mellor nos pareza. Desta volta, só están/estamos os que demos un paso á fronte, a falta doutros mellores.

Proxectos xa aprobados:
- todos os trámites legais preceptivos para inscrición da federación, tirarlle in cif...

- crear unha web con información institucional, listado de asociacións, dar a coñer actividades de cada asociación... e xa veremos que máis. Ata o de agora varios vogais da XD xa cruzaron 5 ou 6 correos sobre isto.

- estudar a posibilidade dun seguro de responsabilidade civil para todas as asociacións. Isto xa supón que moitas van aforrar entre dous e tres centos de euros anuais do seu propio seguro.

- darnos a coñecer: xa hai a proposta de entrar nis rexistros da UAI (se non lembro mal) por parte de dous astrónomos que coñecemos ben porque estiveron xa en AstroGalicia  :yipi:

- logotipo: xa había algunha proposta chula, pero decidiuse que se organizará un concurso agora que hai nome oficial.

- e si, non deu tempo para máis, creo, pola alegría de ter rematada a travesía.

EDITO:
- también se habló de crear un listado o guía de recursos como prioridad. Hay algo hecho ya por Álex, de la asociación universitaria de la Complu, y claro está que el trabajo hecho hace unos meses por Borja en Galicia será utilísimo.
« Última modificación: 30 de Noviembre de 2014, 22:55:16 por DosiVeiga »

Respuesta #1001 de Diciembre de 2014, 10:32:47

Xoán Cardelle

  • FED
  • Acromático

  • Desconectado
  • *****

  • 44
  • Karma:
    1
  • Sexo
    Masculino

    Masculino
    • Ver Perfil
    • Email
Re:Habemus Federación de Asociaciones Astronómicas de España
« Respuesta #10 en: 01 de Diciembre de 2014, 10:32:47 »
Grazas Dosi pola información tan detallada.

Esperemos que a Federación serva para colocar ós centos de afeccionad@s galegos no mapa estatal e poidamos esteitar relacións con outras asociacions que algúns seguimos a través das suas webs, pero pouco mais.

A miña opinión persoal ( e creo que a de moitos dos nosos socios )  e que todo será positivo compartindo coñecementos, proiectos, experiencias, etc.  e sobre todo facendo moita mais forza diante de organismos oficiais.

Xa estou vendo o día en que o Congreso Estatal de Astronomía poda celebrarse na Galiza.

Parabens e un saúdo.
Xoán Cardelle

Respuesta #1101 de Diciembre de 2014, 10:32:56

africano

  • Semi-Apo

  • Desconectado
  • **

  • 347
  • Karma:
    4
    • Ver Perfil
Re:Habemus Federación de Asociaciones Astronómicas de España
« Respuesta #11 en: 01 de Diciembre de 2014, 10:32:56 »
Gracias polo resumo Dosi,  8)

visto hoxe na rede, charla en vídeo:
<< Durante la celebración del XXI Congreso Estatal de Astronomía (XXI CEA) en Granada, España, organizado por la Red Andaluza de Astronomía (RAdA) y que contó con la colaboración de Amazings entre otros, se ofreció la conferencia "Objetivos y ventajas de una federación astronómica", impartida por Blanca Troughton Luque, de la Sociedad Malagueña de Astronomía, adscrita a la RAdA. >>

http://noticiasdelaciencia.com/not/11933/objetivos-y-ventajas-de-una-federacion-astronomica/es/
Sí home, sí

Respuesta #1201 de Diciembre de 2014, 10:55:18

DosiVeiga

  • AG'12
  • Ortho-Apo

  • Desconectado
  • *****

  • 2358
  • Karma:
    31
  • Texto personal
    Decoding astronomy since 20th century
    • Ver Perfil
    • APOD da NASA en galego
Re:Habemus Federación de Asociaciones Astronómicas de España
« Respuesta #12 en: 01 de Diciembre de 2014, 10:55:18 »
Grazas a vós, Xoán e Africano. Espero que o voso representante vos presente un informe que non difira moito do meu :mdr:

Observación: chégame dun compi de Valladolidunha posible fe de erratas que transmito textualmente "sólo puntualizar a lo que cuentas que a mi entender la Federación no será la encargada de organizar los próximos congresos estatales, pero sí apoyará a la asociación organizadora en todo lo que pueda". De hecho, en la propuesta inicial de Junta Directiva, las vocalías tenían apellidos y uno de ellos era la de "socio de la asociación responsable del congreso". Al final, se decidió que hubiera vocalías pero sin especificar su contenido.

Respuesta #1301 de Diciembre de 2014, 11:16:49

Xoán Cardelle

  • FED
  • Acromático

  • Desconectado
  • *****

  • 44
  • Karma:
    1
  • Sexo
    Masculino

    Masculino
    • Ver Perfil
    • Email
Re:Habemus Federación de Asociaciones Astronómicas de España
« Respuesta #13 en: 01 de Diciembre de 2014, 11:16:49 »
Non coñecía o video da conferencia de Blanca no Congreso Estatal de Astronomía de Granada, pero estou dacordo aboslutamente con todo.

Grazas Africano  :great:
Xoán Cardelle

Respuesta #1401 de Diciembre de 2014, 13:20:53

Pablo

  • AG'12
  • Ortho-Apo

  • Desconectado
  • *****

  • 1694
  • Karma:
    21
    • Ver Perfil
    • Email
Re:Habemus Federación de Asociaciones Astronómicas de España
« Respuesta #14 en: 01 de Diciembre de 2014, 13:20:53 »
Poco mas que añadir a todo lo que comenta Dosi. Único decir que se anunció que es muy probable que la recién nacida Federación reciba una primera subvención que ayudará junto con las cuotas a poner todo en marcha.

Como valoración personal, decir que las sensaciones fueron muy positivas y a pesar de lo largo de la Asamblea y de muchas discusiones menores alargadas demasiado en el tiempo, se respiraba un ambiente muy constructivo y con un objetivo claro de que el desplazamiento no fuese en balde y poder salir de allí con los cimientos construidos.

Solo mencionar y agradecer a la Agrupación Astronómica de Madrid (aam) y a su Presidenta, Araceli, por ceder su sede para este acto y por estar pendientes en todo momento de hacernos sentir como en casa. Muchas Gracias ¡¡¡¡.

Un saludete  8)