Foro patrocinado por:

Mostrar Mensajes

Esta sección te permite ver todos los posts escritos por este usuario. Ten en cuenta que sólo puedes ver los posts escritos en zonas a las que tienes acceso en este momento.


Mensajes - DosiVeiga

Páginas: [1] 2 3 ... 104
1
Salidas / Re:AstroGalicia18: a festa galega das estrelas. Xa está aquí.
« en: 06 de Octubre de 2018, 21:47:13 »
Se a outra persoa eres tú que organiza cando che conven,eu animote a que sigas organizando.
Cala, cala... Cando se enteire de que non só se fai cando a min me vai ben senón que tamén se fai onde a min me vai ben, vai ser un esperrenche.  :whistle: Iso si, o de que sempre se avisa neste foro 6 meses antes das datas e do lugar e que sempre se pide axuda e está aberto para temas e nomes de invitados, nin se comenta  :rules:

Aí o está, AstroGalicia, 9 edicións. Aínda se pode rastrexar neste foro todo o que se fixo nas primeiras, o que se discutiu, o que se decidiu. Coido que poucos eventos houbo tan abertos coma este no país.

Algún día haberá que escribir a noveliña traxicómica de como naceu AstrOurense, unha asociación que devorou dous presidentes en 6 meses e despois tivo o mesmo durante anos e anos (creo que debe ser a única asociación galega coa mesma presidencia durante case unha década; no resto que eu coñezo sempre hai renovacións de persoas e ideas). E, como corolario, a historia do nacemento da federación galega, esa entidade que parece o guadiana e que xorde de cando en vez, montada á forza enganando ou tratando de enganar a algúns deste foro. Curiosamente, a ela non pertence nin Agrupación Coruñesa Ío, nin Clube Compostelán Vega, nin Agrupación Rías Baixas, nin AstroVigo, nin... Ah, e co epílogo da vergoña allea que pasamos algúns galegos o día fundacional da Federación de Asociaciones Astronómicas de España  :intello:

Ala, xa lle din un pau ao avesporeiro. Voume deitar.  :666:

2
Salidas / Re:AstroGalicia18: a festa galega das estrelas. Xa está aquí.
« en: 04 de Octubre de 2018, 20:05:46 »
Camilooooo!!!! Mira que aquí falan de ti. E non sei se de min, pero como non teño nin idea de quen son fáiseme raro, raro. Haiche xente que garda xenreira durante 12 anos, xa ves. Ou igual é amor platónico, vai ti a saber. Non sei que é máis de temer.

Algo lles farías. E mira que berran, eh?  :rofl: :rofl: :rofl:

3
Salidas / Re:AstroGalicia18: a festa galega das estrelas. Xa está aquí.
« en: 20 de Septiembre de 2018, 19:59:11 »
Eu sigo dicindo que as datas son un pouco "tarde",noites mais frías,posibilidade de neboeiras a beiriña do Miño,etc. e iso para os que coma mín imos en idade avanzada non e moi doado,polo demáis pareceme ben.
Un saúdo.

Poucas cousas teño tan claras ademais de que a terra xira ao redor do sol como que o Camilo preferiría que AstroGalicia fose no verán. Pero verás, agás a primeira edición, que se fixo no mes de xullo (organizada por Pablo, Moisés máis eu), o resto foron indo cara datas nas que este mendalerenda podía traballar pola causa. Creo que poucos eventos hai en toda España que se anuncien con tanta antelación (todos os anos avisamos da data en marzo ou abril), que se comente nun foro aberto por se alguén quere suxerir temas ou invitados (aí están os diversos fíos abertos cada ano) e que estea apoiado por tantas asociacións e tan diferentes. Este ano colabouran (ollo, iso implica poñer cartiños, que as cousas non se fan soas), a gran parte das asociacións astronómicas de afeccionados do país (cinco!!), unha de divulgacion científica e unha de fotógrafos. Ninguén queda fóra por non ser invitado ou por non enteirarse, a non ser que queira. E a ninguén que quixera participar na organización se lle dixo nunca que non, a pesares de que as últimas edicións lévase con bastante soidade.

Desde o comezo, se algo non foi AstroGalicia é unha quedada para observar as estrelas en compañía doutros afeccionados. Aínda que todos os anos, mellor ou peor, se produce esa parte da quedada. Por que? Pois porque se trata de crear unha festa (aínda que ás veces poida parecer un congreso) que entre todos nos podemos dar para "permitirnos" atraer a xente do mundo da astronomía que queremos coñecer e de quen podemos aprender. Viches o plantel de relatores deste ano???

Desde o comezo, AstroGalicia foi unha actividade aberta a que os astrónomos afeccionados puideran afondar na astronomía, pero tamén que xente que non ten nin idea se poida achegar por vez primeira a este mundiño. Movémonos sempre entre os 50-75 inscritos e, de verdade, a min dáme un pouco de mágoa que non haxa moita máis xente. Máis aínda pensando en que entre socios de asociacións colaboradoras súmanse varios centos. E todos os anos tratamos de meter cousas novas ou atraer a público novo, pero a cabeciña non dá para máis.

As datas? Agás a primeira edición, o resto facíase na primeira fin de semana posterior á primeira lúa nova de setembro (ou anterior) ou similar. Pero debía ser moi complexo de calcular a data (tanto como saber cando cae a pascua), porque hai uns anos tivemos que escoller outra data diferente porque en setembro comezou a facerse outro evento astronómico en Galicia, e pareceunos cortés non competir, habendo 54 semanas no ano e 15-20 con condicións de lúa favorables

En outubro? Pois verás, como resulta que nos últimos anos os meses de verán o único que fago é traballar coa unha mula (cada un vale para o que vale) pois outubro é o mes que máis me convén. Non coincide co congreso estatal de astronomía, a meteoroloxía soe ser favorable (coñe, que estamos no val do Ribeiro, en Ourense), e despois do parón do verán onde nindiós responde un puñetero correo electrónico hai tempo polo medio para actualizar a información dos relatores, facer a web, preparar as inscricións e demais.

De todos os xeitos, comprendo que no teu caso Camilo este ano che quede moi a desmán asistir a AstroGalicia. Moi afastado da túa casa e, como dís, unha meteoroloxía xa bastante fresca. De todos os xeitos nas salas de actividades hai calefacción e, se imos facer algo fóra e resultara que estea o tempo fresco, podo prestarche unha rebequiña. Eu creo que ver en directo a Francesa Figueras, Jorge Pla, Paco Bellido ou asistir a algún dos 6-7 obradoiros que imos ter (máis ca nunca), ben merecería a pena un esforciño.

4
Salidas / AstroGalicia18: a festa galega das estrelas. Xa está aquí.
« en: 05 de Septiembre de 2018, 14:44:11 »

Pois xa está lista a festa de AstroGalicia18. Só queda que os interesados comecedes a inscribirvos e, un secretiño, hai un dos obradoiros que vai ser a caña e que ten prazas moi, moi limitadas. Só avisamos. :whistle:

Temporalmente, a falta dun lugar mellor, toda a información está centralizada no proxecto Ceos Galegos. Alí está a información básica e o formulario de inscrición.

Estes días estiven comentando con varias persoas os nomes dos ponentes das charlas divulgativas e todo o mundo me dixo o mesmo: un luxazo. Por nomes, por proxección, por percorrido, por actualidade... contar entre nós a Jorge Pla García, Francesca Figueres, Paco Bellido e os resto de invitados sitúa a AstroGalicia deste ano entre o mellorciño en moito tempo. E, no que se refire aos obradoiros, sen comentarios.

(Off the record)
Hai alguén aquí? Son eu o único que anuncia todos os proxectos e actividades nos que participa ou organiza neste foro?

5
Salidas / AstroGalicia 2018: convocatoria inicial e datas
« en: 30 de Mayo de 2018, 17:01:25 »
Marcade nas vosas axendas, para acudir e para non programar outros eventos.

Datas: do 11 ao 14 de outubro. Máis longo que nunca.
Evento: AstroGalicia18-a festa galega das estrelas.
Contidos: a determinar.
Lugar: Parque Náutico de Castrelo.

Non hai máis polo momento. Temos pendentes 5 persoas ás que xa invitamos para que nos conten cousas e moitas ideas por diante. De feito, aínda non temos claro se comezaremos o 11 ou o 12, aproveitando a ponte festiva. É posible que fagamos unha actividade moi chula en paralelo ou o día anterior, que sirva de introdución.

Por suposto, se tedes ideas, suxestións, contactos que queirades traer... agradécese desde xa que contedes. Ah, e se alguén quere botar unha man para a organización tamén se agradecerá.

As asociacións de astrónomos amadores galegos xa tedes un correo ao respecto. Por favor, se algunha asociación non recibiu facédemo saber para corrixir posibles erros.

Temos bo tempo garantido, xa está a caer toda a auga reservada para o que quedaba de década. Polo que no outubro teremos ceos despexados seguro.  :666:

6
Gran campo y cielo profundo / Re:La evolución inteligente sin fin
« en: 30 de Abril de 2018, 18:16:32 »
Xa a primeira frase sobre Einstein é unha falsedade coma unha casa. Que ganas de que alguén monte unha fundación pro-Einstein e lle cobre unha tasa a todos aqueles que tomen o nome de Einstein en van. Joer. Co fermosa que é a física a ver que necesidade de parir esa cantidade de memeces tan seguidas.

7
Todo vale / Ceos galegos, a web. Fotos e astro.
« en: 28 de Abril de 2018, 10:13:12 »
Pois levamos xa uns mesiños en probas, e aí o estamos. A web de Ceos Galegos é agora a competencia do APOD da NASA  :na:

Estamos a publicar, case a diario, unha imaxe do ceo nocturno ou diurno ounque teña que ver coa astronomía. E contamos a súa historia ou a ciencia que está por detrás. Son todo fotos feitas en Galicia ou case. Veredes imaxes de moitos dos usuarios deste foro. E de moita xente allea ao mundo da astronomía pero que lle gusta ver a súa foto publicada e, sobre todo, comentada.

Podes enviarnos as túas fotos e imaxes. O noso reto é chegar a publicar unha por día e, sobre todo, comunicar e divulgar ciencia. Non teñen que ser fotazas (que tamén). Se non fotos que nos permitan falar de astronomía e ciencia. E temos twitter, insta e feisbuc. Todo baixo a denominación @CeosGalegos.

Estamos a facer concursos (xa hai un de nubes) e pronto haberá moitas novidades.

8
Xeral / Re:VI edición do Workshop CMON
« en: 04 de Diciembre de 2017, 11:50:01 »
Únome aos parabéns de Pablo cara aos organizadores.

O CMON comezou forte, coa historia de Martin Pawley sobre o nacemento do cinema para a astronomíamoi interesante. Non se pode chegar tarde a estes sitios que te podes perder o mellor  :666:
Unha boa experiencia de xestión de comunicación nas asociacións (nota mental para outros, está todo inventado, só fan falla gañas e currantes e, sobre todo, planificación da estratexia), inmersión matemática, espectacular as posibilidades das ocultacións para afeccionados, xente nova facendo cousas marabillosas divulgativas (pronto seredes fichados para outra), proxectos asados, proxectos agochados (que pouco a pouco van saíndo á luz) e proxctos futuros para seguir enleando.

Ah, e como creo que alguén non presente merece unha desculpa, onte de camiño ao CulturGal parei na praia de Cesantes e nada máis saír do coche atopei unha fermosa estampa da ponte de Rande (curiosamente sen as illas Cíes) coa illa de San Simón e por diante, medio mergullado, o monumento a #JulesVerne (era marea alta). Como non caben aquí as imaxes fixen un textiño no feisbuc dos www.ceosgalegos.com. Este é o Artigo no feisbuc  :666:

9
Xeral / Re:VI edición do Workshop CMON
« en: 30 de Noviembre de 2017, 11:13:33 »
By the way... Como quedaron libros da editorial Marcombo do AstroGalicia deste ano, antes de devolvelos á editorial levareinos comigo por se alguén quere adquirilos. Non é habitual que estean en moitas librarías. Hai de Meteoros, debuxo astronómico, estrelas dobres, execicios de astronomía e algún máis.

10
Xeral / Re:VI edición do Workshop CMON
« en: 23 de Noviembre de 2017, 13:56:18 »
Noraboa polo esforzo e o traballo que se nota detrás. Un programa moi completo e variado. Vai ser outro ano para aprender moito. E un placer contar algo.  :yipi:

11
Astrometría y fotometría / Re:Espectro de las Pléyades
« en: 23 de Noviembre de 2017, 13:53:00 »
Very interesting Paco.  8)

Este é un dos mellores fíos do ano. Admin: vexo unha gala anual ao respecto  :666:.

Deume raiba que na AstroGalicia de outubro faltounos un pelo pra termos un obradoiro de espectroscopía amateur. Pero o vindeiro ano xa sei a quen vou enlear  :intello:

12
Gran campo y cielo profundo / Re:Doble cumulo de Perseo
« en: 23 de Noviembre de 2017, 13:49:11 »
Pois mola moito. E as diferentes cores dan moita info.

13
Gran campo y cielo profundo / Re:Fin de semana en A Veiga 17-19/11/2017.
« en: 23 de Noviembre de 2017, 13:47:46 »
Ía comentar eu  :gasp:

Cundir, cundiu, polo que se ve. E que non tiveras ningunha foto para o Calendario de Ceos Galegos 2018 xa te vale  :whip:

Algunha é unha auténtica marabilla.

14
Todo vale / Re:Ceos galegos: proxecto de divulgación e edición propia
« en: 12 de Noviembre de 2017, 20:09:54 »
Xa Home xa, que a pregunta iba con retranca.
Non me cabe dúbida que será toda unha obra de arte.
Algo de arte ten. As fotos son moi chulas. Hai temáticas variadas (paisaxes, ceo profundo, ceos en diversas estacións, monumentos emblemáticos...) e as imaxes están ben enfocadas  :666:

15
Todo vale / Re:Ceos galegos: proxecto de divulgación e edición propia
« en: 12 de Noviembre de 2017, 20:08:17 »
Los llevaréis al CMON para que los podamos comprar?  :yipi: :yipi:
Pois non contaba pero aínda non o decidín. No coche sempre levo algún. Pero se vives nunha cidade onde estea á venda, achégate a algunha libraría a mercalo (vaiche valer o mesmo), e tamén ven que estes temas interesan. Temos xa puntos de venda en Ourense, Santiago de Compostela, A Coruña, Ferrol, Lugo, Pontevedra e Cangas do Morrazo.

Saúde!!

Páginas: [1] 2 3 ... 104